Størst av alt er tillit

Anders Magnus er ein av Noregs mest erfarne utanriksjournalistar, med over 40 år bak seg i Bergens Tidende, TV 2 og NRK, og som korrespondent i Afrika, Asia og USA. Her ser han dei store utviklingstrekka i verda i samanheng, og gir perspektiv på kva som skjer mellom stormaktene – og kva utviklinga kan bety for Europa, Noreg og oss.

Petter Slyngstadli er analysesjef med brei kompetanse innan kapitalforvaltning, finansiell risiko og makroøkonomi, utdanna ved NHH. Han gjev oss innsikt i den økonomiske politikken akkurat no, korleis norsk økonomi blir påverka av internasjonale forhold, og kor pilene peiker her i vest.

Rolf-Harald Haugen er innovasjonsstrateg, gründer og operativ leiar med bakgrunn frå Marinejegerkommandoen, teknologiselskap og romfartsindustrien, og medgründer av O2XR på Svalbard. Han viser korleis kriser, feil og motgang kan bli utgangspunkt for læring, innovasjon og gjennomføringskraft under ekstremt press.

Beredskap handlar om å vere budd– ikkje berre handtera kriser når dei oppstår. På Vestlandet er me avhengige av robuste vegar, jernbane og tunnelar, trygg energiforsyning og godt samspel mellom aktørane. Sweco bidreg med risiko- og sårbarheitsanalysar, klimatilpassing, flaum- og skredvurderingar og sikring av kritisk infrastruktur. Målet er transportløysingar som fungerer også når samfunnet blir sett på prøve. For Sweco handlar det om å byggja eit robust Vestland saman, før krisa kjem.

Vivi Ringnes Berrefjord er forskar ved Institutt for forsvarsstudiar ved Forsvarets høgskole, der ho arbeider med cybertryggleik, teknologi og tryggingspolitiske spørsmål. Ho har særleg interesse for korleis digitalisering, kunstig intelligens og nye teknologiar påverkar samfunnstryggleik og beredskap. Kva skjer med beredskapen vår når stadig fleire av dei viktigaste samfunnsfunksjonane er avhengige av digitale system? Og korleis endrar kunstig intelligens og cybertruslar måten me må tenkja om tryggleik og beredskap på? Vivi Ringnes Berrefjord avsluttar konferansedagen med eit aktuelt og framtidsretta perspektiv på den digitale beredskapen. Med utgangspunkt i forsking og aktuelle utviklingstrekk ser ho på nye sårbarheiter, nye truslar og kva dette betyr for samfunnet – frå nasjonalt nivå til lokalsamfunna våre.