Sigve Daae Rasmussen er dagleg leiar i Rå Biopark, og har tidlegare fungert som prosjektleiar for biogassutgreiinga då prosjektet var i Remiks Miljøpark og Avfallsservice.

Rå Biopark skal gjera om over 60 000 tonn matavfall til klimanøytralt drivstoff. Rå Biopark er det største miljøsamarbeidet i Nord-Norge med seks solide avfallsselskap som eigarar. Avfallet skal samlast inn frå 41 kommunar, og mengd produsert biogass kan erstatte 6 millionar liter diesel.

Dette berekraftige konseptet vil gje nord tilgang til klimanøytralt drivstoff, som vil ha positiv påverknad på det totale karbonavtrykket. Råstoff som skal gjerast om til flytande biogass er matavfall, kloakkslam, fiskeslam, husdyrgjødsel og septik, med spennande planar for bioresten.

Slam er ein ressurs som i dag ikkje blir godt nok utnytta. Mykje går til spille og det er eit stort potensial i å samla opp meir frå produksjon i sjø og dessutan utnytta det som allereie samlast opp frå produksjon på land. Bolaks jobbar for berekraftig vekst i produksjon av laks, og planlegg eit postsmoltanlegg på Samnøy industriområde i Bjørnafjorden kommune.

Bolaks har gått djupare inn i problemstillinga kring handteringa av slammet og ser på korleis dette kan skapa større ringverknader lokalt gjennom ein industriell symbiose. Konkret blir det mellom anna undersøkt om omdanning av slam til biokol og varmeenergi ved bruk av pyrolyse kan vera ei løysing. Biokol som blir lagra i jord er både karbonlagring og jordforbetring.

Siri Stenersen Lohne er CFO i Bolaks, og har i prosjektet særleg fokus på å undersøkja korleis skala påverkar moglegheita for å etablera industriell symbiose og kva forretningsmodell som må til for å få ein industriell symbiose til å fungera.

Columbi Farms er eit innovativt landbruksselskap som skal produsere mat på nye og meir effektive måtar, ved å ta næring frå fiskevatn og bruke det som gjødsel for å produsere plantar innandørs. På den måten produserer dei heile året - samtidig som dei tek vare på naturen.

Laget bak Columbi Farms motiverast av å kombinere havbruk og landbruk i eit komplett økosystem, der gjenbruk av næringsstoff bidreg til redusert klimabelastning og ny verdiskaping.

Leiarteamet i Columbi Farms har brei kompetanse innan havbruk, landbruk, forsking og forretningsutvikling.

Siv-Lene er driftsdirektør i Columbi Farms, og har tidlegare jobba mange år i Norsk institutt for bioøkonomi (NIBIO). Der bygde ho opp eit forskingssenter der formålet var sirkulære modellar for gjenbruk av næringsstoff frå havbruk til nytte som gjødsel for grønsaker i hydroponisk dyrkning. Denne koplinga vert kalla akvaponi og Siv-Lene kan titulera seg som opphavsperson til dette omgrepet.

Jan Berge er dagleg leiar for Hoop CO2, eit nyoppstarta selskap som spesialiserer seg på bruk av biologisk CO2, mellom anna frå biogassanlegg. Utvikling av effektive, miljøvennlege alternativ til fossile energikjelder er naudsynt for ein sirkulær, grøn omstilling, bruksområda er mange og  potensiale er stort.

Sotenäs Symbiosesentrum er eit samarbeid mellom verksemder, akademia, skule og offentleg sektor. Formålet er å kobla saman menneske for å skape innovasjon, utdanning og arbeid i lokalsamfunnet. På Sotenäs Symbiosesentrum er både industriell og sosial symbiose sentralt, der føremålet er ein sirkulær økonomi. Biogass, maritim næring, landbruk er involvert i symbosen.

Emma Ek arbeider som symbioseutviklar i Sotenäs Symbiosesentrum.

Jørgen Møklebust Austvik er dagleg leiar i Ommat.

Ommat – senter for oppsirkulering av matressursar vart i 2023 skilt ut som eige selskap under BIR Bedrift.

Ommat har produksjonslokale i Bergen, og tek imot vegetabilske matressursar frå mellom anna engros, fruktlager, og industriverksemder. Det er planar om etablering av eit produksjonslokale i bioparken på Voss.

I Ommat vert varer sortert, kverna og stabilisert eller vakuumert.

Varene vert sendt vidare til Invertapro for larveproduksjon, eller til Grønn mat for produksjon av bakevarer og andre matprodukt. Ommat jobbar også for å utvikle andre fôrprodukt til landdyr.