Foredragshaldarar 2024
Vossadagane, 19. - 22. mars 2024
Andrea Arntzen Nistad
Rådgiver, energi og bærekraft i Asplan Viak
Foredrag: Hyttefloka
Andrea jobbar som klima- og miljørådgivar i Asplan Viak. Ho hjelper organisasjonar og verksemder med å kartlegga og redusera sin klima- og miljøpåverknad, mellom anna ved hjelp av livsløpsanalysar.
Berit Marie Galaaen
Leiar for planavdelinga, Voss herad
Foredrag: Naturnøytralitet og vidare utvikling
Berit Marie har vore tett på dei fleste utviklingsprosessane i Voss herad dei siste 15 åra. Ho er opptatt av at Voss skal styrka og dyrka sin identitet som stad, vera attraktiv og utvikla seg vidare med kvalitet. Bakgrunnen til Galaaen er ein master i arkitektur og lang erfaring frå både private og offentleg prosjekt og planlegging.
Catharina Bjerke
Bærekraftsdirektør, Veidekke
Foredrag: Naturnøytralitet og vidare utvikling
Catharina er opptatt av korleis me som samfunn og bedrift kan dekka ulike behov med minst mogleg fotavtrykk. Veidekke er den største entreprenøren i landet, og representerer ein bransje som tradisjonelt har stått for store utslepp og stor ressursbruk. Veidekke har satt seg kunnskapsbaserte klimamål og har lagt ein plan for netto null utslepp. På same måte jobbar dei med natur og sosiale forhold.
Christian Steel
Generalsekretær, Sabima
Foredrag: Naturnøytralitet og vidare utvikling
Miljøorganisasjonen Sabima jobbar for å stansa tapet av naturmangfald, og er ein paraplyorganisasjon for dei biologiske foreningane i Noreg. Steel er generalsekretær for Sabima, og mottok i fjor Naturviserprisen på bakgrunn av engasjementet sitt for trua natur, for å fremja verdien av naturmangfold og for evna til å formidla.
Elisabeth Lillegraven
Leiar Prosjekt og utvikling, Voss herad
Foredrag: Ein god plass å bu – ein god plass å besøka
Elisabeth er utdanna sivilarkitekt ved Bergen Arkitektskule/ TU Delft i Nederland. Ho har i seinare år studert planlegging og har ein master i urbanisme frå Arkitekthøgskulen i Oslo. Frå 2005 – 2017 dreiv ho eige arkitektkontor. I 2017 vart ho prosjektleiar for Sentrumsplanen i Voss kommune og frå 2020 vart ho tilsett som leiar for ei nyoppretta avdeling for prosjektutvikling.
Hans-Wilhelm Steinfeld
Cand.philol., tidlegare utanrikskorrespondent i Moskva
Foredrag: Opningsforedraget 2024
Internasjonalt anerkjend journalist, utanrikskorrespondent, forfattar og historikar med Russland som spesialfelt. For oss er Steinfeld kjent som ein tøff og pågåande utanriksreporter, med den markante bergensdialekten som varemerke. Steinfeld har vore ein av NRK sine mest framståande utanrikskorrespondentar, og har gjennom mange år formidla historiske storhendingar i Aust med Noreg som publikum.
Håvard Hansgård
CEO Resources AS
Foredrag: Den biosirkulære revolusjonen og Bioparken
Håvard kjem frå gard med sau og skog, har fagbrev som innan bergverk og har landbruksutdanning frå Blæstad (Høgskolen i Innlandet) og Ås (NMBU). Til dagleg jobbar han for auka verdiskaping og redusert miljøbelastning i bioøkonomien gjennom ReSourcer AS.
Helge O. Svela
CEO, Media City Bergen AS
Foredrag: Generativ AI: Moglegheiter og truslar for media
Helge O. Svela har vore dagleg leiar for Media City Bergen sidan september 2022. Svela er utdanna journalist og har tidlegare jobba for Bergens Tidende, der han har hatt fleire redaksjonelle leiarroller. Svela har også erfaring frå Rogalands Avis, har gitt ut boka “Då han møtte hund” og vann SKUP-diplom i 2009 for BT-prosjektet «Faktasjekk».
John Hammersmark
Kapteinen, Kompani Lauritzen
Foredrag: Det kan alltid bli verre!
John Hammersmark byrja på Befalsskule i Hæren som 19-åring. Han gjekk deretter Krigsskule, Stabskule og deretter Masterstudiet på Forsvarets høgskole og Sjefskurset. Av sivil utdanning har han Bachelor i Administrasjon og leiing. Hammersmark har tenestegjort på Skjold, på GSV i Kirkenes, i Forsvarets spesialkommando, i Hærstaben og i Forsvarsdepartementet. Han har også delteke i fleire skarpe operasjonar.
Linda Eide
Vossing
Foredrag: Klinkande uklart!
Linda har jobba som journalist og programleiar i NRK radio og fjernsyn i over tre tiår. Ho har fått ei rekkje prisar for formidlinga si. Eide skriv også bøker og teaterframsyningar, og framfører sjølv det ho skriv. Sidan 2017 har ho fronta programmet Eides språksjov, og gjort språkopplæring til laurdagsunderhalding på NRK1.
Linda Merkesdal
Stortingsrepresentant for Hordaland/Vestland (Ap)
Foredrag: Deltek i debatten
Linda Merkesdal er medlem av energi og miljøkomiteen og har særskilt ansvar for sirkulærøkonomi, bærekraft, natur, klima og bioenergi.
Pernille Bonnevie Hansen
Nestleiar, Naturvernforbundet
Foredrag: Meir kraft, no!?
Pernille Bonnevie Hansen er 39 år og nestleiar i Naturvernforbundet. Ho har vore aktiv i organisasjonen i omlag ti år, og i Natur og Ungdom før det. Pernille lærte tidleg å tenka på straumen i veggen heime som verdifull fordi han har kosta natur. Ved sidan av vervet i Naturvernforbundet er Pernille språkvitar.
Petter Slyngstadli
Analysesjef i Norne Securities
Foredrag: Det økonomiske makrobildet
Erfaren Chief Investment Officer og porteføljeforvaltar med dokumentert historie innan investeringsforvaltning. Innehar brei kompetanse innan porteføljeforvaltning, finansiell risiko, hedgefond, aksjeplukking, fondsvalg, kapitalforvaltning og makroøkonomi. Solid konsulent med utdanning frå Norges Handelshøyskole (NHH).
Styrkaar Ringheim-Hustveit
Prosjektleiar Prosjekt og utvikling, Voss herad
Foredrag: Ein god plass å bu - ein god plass å besøka
Styrkaar er utdanna sivilarkitekt ved NTNU i Trondheim. Han har sidan 2021 jobba som prosjektleiar i heradet. Han har interesse for byplan og samanhengen mellom dei fysiske omgjevnadane som premissgjevar og svar på samfunnet.
Svein Harald Røine
Årets talar 2022
Foredrag: Frå Tussi til Tigergutt – arbeidsglede og kultur hand i hand
Røine er ein etterspurd og inspirerande føredragshaldar. Han vart kåra til Årets taler av Talerlisten i 2022. Svein Harald er ekspert på tema som leiing, arbeidsglede, endring og kvardagsmot. Han har bakgrunn som toppleiar i Nidar, Gilde og Altia Corporation Norway.
Sveinung Rotevatn
Stortingsrepresentant for Hordaland/Vestland (V)
Foredrag: Deltek i debatten
Sveinung Rotevarn er i dag medlem av finanskomiteen. Han var klima- og miljøminister frå 2020-21 og er kjent for sitt engasjement i miljøpolitikken.
Torgeir Isdahl
Gruppeleder terrestrisk naturmangfold, Norconsult
Foredrag: Naturnøytralitet og vidare utvikling
Torgeir Isdahl er utdanna naturforvaltar, og har meir enn 20 års erfaring med miljøleiing og rådgjeving frå privat konsulentverksemd og offentleg miljøforvaltning. I Norconsult har han det overordna fagansvaret for utgreiingar, kartlegging og analysar innan fagtemaet terrestrisk naturmangfald. I seinare år har han jobba særleg med korleis negative miljøeffektar kan reduserast i ulike utbyggingsprosjekt og spørsmål knytt til arealnøytralitet og økologisk kompensasjon.
Ulrikke Voltersvik Hernæs
Forretningsutviklar biologiske verdikjeder, BIR AS
Foredrag: Den biosirkulære revolusjonen og Bioparken
Ulrikke Voltersvik Hernæs har jobba med sirkulære problemstillingar lenge og jobbar no for å realisera Voss Biopark i tilknyting til det vedtekne biogassanlegget.
Vegard Pettersen
Næringspolitisk rådgjevar, Fornybar Norge
Foredrag: Meir kraft, no!?
Vegard Pettersen jobbar med miljø og berekraft i Fornybar Norge, ein landsomfattande interesse- og arbeidsgjevarorganisasjon for heile fornybarnæringa. Han har erfaring frå fornybarnæringa, forvaltning og konsulentselskap der han har jobba med ulike miljøtema.
