Trude Storheim

Trude Storheim er statssekretær i Kultur- og likestillingsdepartementet, utnemnd 28. februar 2025. Storheim har lang erfaring frå kultursektoren, mellom anna som dagleg leiar for Vossa Jazz i perioden 2008–2023. Deretter var ho kommunalsjef for kultur og fritid i Voss Herad frå 2023 til 2024, før ho gjekk vidare til stillinga som dagleg leiar i Norske kulturarrangørar i 2024–2025. Tidlegare har ho vore regionleiar for Redd Barna region Vest, der ho hadde ansvar for strategi, organisasjonsutvikling og regional planlegging. Ho var tilknytt organisasjonen frå 1994 til 2008. Storheim har også hatt fleire sentrale verv i kulturfeltet, mellom anna som medlem av valkomiteen i Europe Jazz Network, medlem og leiar i kunstnariske råd for Norsk jazzforum og Vestnorsk jazzsenter, samt deltakar i Norsk kulturråd sitt arbeid med rapporten Scenarier for kultursektorens framtid.