Remy Atle Bilsback

Remy Atle Bilsback arbeider som kundemeglar innan valuta- og rentehandel i Sparebanken Norge. Han er utdanna økonom frå USA, med utdanning frå Arizona State University, og har sidan 1996 arbeidd innan bank, industri og som konsulent. Ved sida av jobben i banken, er han også engasjert i fotballen gjennom NFF som trenarutviklar, trenarrettleiar og spelarutviklar. Bilsback er lidenskapeleg oppteken av økonomiske samanhengar, og har eit sterkt engasjement både for faget og for utvikling av unge talent.